पावसाचं गाणं... आणी गाण्यातला पाऊस
तुझी आणि माझी.... भिजण्याची हौस.
तुला आवडते भिजणे चिंब, मला मात्र थेंब अन थेंब
न्हाऊन निघतो दोघेही आपण....
फरक फ़क्त भिजण्याचा,
तू म्हणतेस "जाऊदे आता" अन मी म्हणतो' "नको ना जाऊस"
पावसाचं गाणं... आणी गाण्यातला पाऊस
तुझी आणि माझी.... भिजण्याची हौस.
सरीवर सरी आणि गंधाळलेली गात्र
वीजांचा कड़कड़ाट आणि काळीकुट्ट रात्र
शब्दांतील श्वास आणी श्वासांमधले अंतर
कलहाच्या ओलाव्यात भिजून जाते मात्र.... फरक फ़क्त भिजण्याचा
तू म्हणतेस "जाऊदे आता" अन मी म्हणतो' "नको ना जाऊस"
पावसाचं गाणं... आणी गाण्यातला पाऊस
तुझी आणि माझी... भिजण्याची हौस.
No comments:
Post a Comment