ज्योत दिव्याची ती आज एकांती पाहता
तो भाव काळजाचा मन जागवून गेला
अस्तित्व हेच माझे आता विरून गेले
हा अंत वेदनेचा सांगून सर्व गेला
एकांत राहिलेला हरवून सर्व वाटा
डोळ्यांत आसवांच्या बुडवून सर्व गेला
आसावल्या क्षणांची ती मिणमिणती ज्योत दिव्याची
आपल्याच रिकाम्या ओंजळी विझवुनी सर्व गेला
एकांत राहिलेला हरवून सर्व वाटा
विरहात मिलनाचा सांगून अर्थ गेला
विझवुनी ती ज्योत दिव्याची
आसावल्या क्षणांचा पक्षी उडून गेला
No comments:
Post a Comment